మంగళగిరి ఎయిమ్స్ ఆసుపత్రి కి వెళ్ళాలి అనుకునేవారు చదవండి నా ఈ బ్లాగ్ పోస్ట్.

                    చిత్రం:- ఎయిమ్స్ ,మంగళగిరి.

ఇవాళ ఏదైనా అనారోగ్య సమస్య ఎదురైతే అది తగ్గిపోయే సంగతి అటుంచితే దాని నివారణకు అయ్యే ఖర్చు ఎలా భరించాలో అని జనం బెంబేలెత్తిపోతున్నారు. కోవిడ్ తర్బాత ఉన్నట్లు ఉండి గుండెపోట వచ్చి చిన్న వయస్సు వారు సైతం ప్రాణాలు విడిస్తున్నారు. ఈ సంఘటనలు చూసి నాకు కూడా హెల్త్ చెక్ అప్ చేయించుకోవాలి అని అనిపించింది. దీనితో ఒకసారు మంగళగిరి ఎయిమ్స్ సందర్శించాలి అని నిర్ణయించుకుని ఇంట్లో అమ్మ,నాన్న తో పరిగడవున కార్ లో ఉదయాన్నే 5 కి బయలుదేరి ఎయిమ్స్ కి 7 కి చేరుకున్నాం. OPD దగ్గర కారు ఆపి దిగగానే సెక్యూరిటీ గార్డ్ మాకు టోకెన్స్ ఇచ్చారు. అవి తీసుకుని కూర్చున్నాం. ఇంతకు ముందే ఎయిమ్స్ సందర్శించిన నా స్నేహితుడు చెప్పినట్లు మొబైల్ లో ABHA APP డౌన్లోడ్ చేసుకుని మా డీటెయిల్స్ నమోదు చేసి ఒక ఖాతా తెరిచి అందులో ఉండే QR CODE SCANNER తో స్కాన్ చేస్తే మన వివరాలు ఆసుపత్రికి చేరుతాయి మరియు మనకి 30 నిమిషాలు కౌంట్ డౌన్ తో ఒక టోకెన్ వస్తుంది.


 (గమనిక: ఫోన్ లేని వారు ఇంతకు ముందు చెప్పిన సెక్యురిటి గార్డ్ ఇచ్చే టోకెన్ ఫాలో అవ్వాలి. గార్డ్ ఇచ్చే టోకెన్ కంటే ఫోన్ తో స్కాన్ చేస్తే వచ్చే టోకెన్ నెంబర్ తక్కువ ఉంటుంది. కాబట్టి వెళ్లేవారు స్మార్ట్ ఫోన్ తో వెళ్తే చాలా మంచిది. మా విషయంలో offline token నెంబర్ 155 ఉంటే మొబైల్ టోకెన్ లో 9 నెంబర్ ఉంది. కానీ ఈ మొబైల్ టోకెన్ తో సమస్య ఏంటి అంటే 30 నిమిషాలు కౌంట్ డౌన్ పడుతుంది. అంటే 30 నిమిషాల తర్వాత మరలా పొందాలి. మెయిన్ ఎంట్రన్స్ దగ్గర మన టోకెన్ నెంబర్ పిలిస్తే లోపలకి వెళ్లాలి(zero floor). అక్కడ వరుసగా కౌంటర్లు ఉంటాయి. మనం వెళ్లి మన టోకెన్ నెంబర్(మొబైల్) చెప్పగానే మన వివరాలు వస్తాయి. అక్కడ మన అనారోగ్య గురుంచి చెప్తే(విభాగం..ఉదా- cardiology) వారు ఆ డిపార్ట్మెంట్ కి మన డీటెయిల్స్ షేర్ చేసి ఆయా కౌంటర్ నెంబర్ , ఫ్లోర్ నెంబర్ ఇస్తారు, ఉదా జనరల్ మెడిసిన్ 216,కన్ను 201. ఈ నమోదు, రుసుము చెల్లింపు మొత్తం ground floor లో జరుగుతుంది. ఇక మనకు చెప్పిన కౌంటర్ దగ్గరికి వెళ్ళాలి. మనకు చెప్పిన కౌంటర్ దగ్గరికి వెళ్లి మరలా మనం మన టోకెన్ నెంబర్ చెప్తే అప్పుడు ఆయా డాక్టర్ కి సంబంధించిన మరొక టోకెన్ ఇస్తారు.

           చిత్రం:- GENERAL MEDICINE విభాగం టోకెన్.

అలా మనం ఎన్ని విభాగాల కొరకు చూపించుకోవాలి అని అనుకుంటున్నామో ఆ కౌంటర్ వద్దకు వెళ్లి మన మొదటి టోకెన్ నెంబర్ చెప్పి ఆ విభాగానికి సంబంధించిన టోకెన్ తీసుకోవాలి. మనల్ని డాక్టర్ వద్దకు పంపేది రెండవ సారి తీసుకున్న టోకెన్ ఆధారంగానే.మనం ఆసుపత్రిలోకి ప్రవేశించగానే తీసుకునేది కాకుండా , విభాగం దగ్గర తీసుకునే టోకెన్ ఆధారంగా మనల్ని లొపలికి పంపుతారు. డాక్టర్ గారు రాసె మందులు,పరీక్షలు మార్కెట్ ధరతో పోలిస్తే చౌకగానే లభిస్తాయి. 

మంగళగిరి ఎయిమ్స్ కి వెళ్లాలి అని అనుకునేవారికి సూచనలు:
  1.  ఉదయం 8 AM లోపల ఆసుపత్రికి చేరుకోడానికి ప్రయత్నం చేయండి. 
  2. test లు ఏమైనా చేయాల్సి రావొచ్చు కాబట్టి, తినకుండా రావడానికి ప్రయత్నం చేయండి. 
  3.  వచ్చే ముందు మీ పాత files ఏమైనా ఉన్నా, మీరు ప్రస్తుతం వాడుతున్న మందులు కూడా వెంట తెచ్చుకోండి. డాక్టర్ గారికి అవి చూపిస్తే మీ యొక్క ప్రస్తుత ఆరోగ్య స్థితి ఏంటో తెలుస్తుంది. 
  4. కాంటీన్ సదుపాయం ఉంది. మీరు కావాలి అనుకుంటే ఇంటి నుంచే అన్నం తీసుకుని రావొచ్చు. కూర్చుని తినడానికి చాలా విశాల స్థలం ఉంది. 
  5.  ఇక్కడికి వచ్చేవాళ్ళు ఓపికగా ఉంటేనే మంచిది. ఎదురు చూడటం ఎక్కువ ఉంటది. 
  6. ఆరోగ్య శ్రీ ఏం వర్తించదు. ఇక్కడ వైద్యం ఉచితం కాదు....కేవలం చౌక. కానీ కొన్ని డిపార్ట్మెంట్స్ లో ఖరీదు గానే ఉన్నాయి. మీకు ఈ సేవల ధరలు అన్ని Mangalagiri AIIMS E-paramarsh App లో అన్ని వివరంగా ఉన్నాయి. మీరు playstore లో నుంచి డౌన్లోడ్ చేసుకుని చూడవచ్చు. 
  7. ఎంత త్వరగా వస్తే అంత త్వరగా పని పూర్తి చేసుకుని వెళ్తారు.

రుసుముల వివరాలు(కొన్ని):-

ఎయిమ్స్ కి చేరుకునే మార్గం:-


విజయవాడ బస్ మరియు రైల్వేస్టేషన్ నుంచి సిటీ బస్ సర్వీస్ ఉంది. కాకపోతే అది frequent గా ఉండవు. అప్పుడు మీరు ఆటో లేదా మంగళగిరి వెళ్లే బస్ ఎక్కి వడ్డేశ్వరం బస్ స్టాప్ దగ్గర దిగి ఒక కిలోమీటర్ నడిస్తే ఆసుపత్రికి చేరుకోవచ్చు. APSP Mangalagiri battalion అనేది landmark గా గుర్తుపెట్టుకొండి.


 
                    చిత్రం:- వడ్డేశ్వరం బస్ స్టాప్


గమనిక;-
  1. ఎయిమ్స్ లోపల రిలయన్స్ జియో తప్ప మిగతా వాటికి నేను వెళ్ళిన రోజు సిగ్నల్స్ లేవు. జియో కి మాత్రం ఫుల్ సిగ్నల్ ఉంది. మొబైల్ with సిగ్నల్ చాలా అవసరం QR కోడ్ స్కాన్ చేయటానికి. 
  2. అక్కడ పనిచేసే స్టాఫ్ సిఫార్సులు(recommendation) ఉన్న వాళ్ళు ముందే వెళ్తుంటారు Q follow అవ్వకుండా. అది చిరాకు తెప్పించే అంశం. 
  3. నేను వెళ్ళినప్పుడు డాక్టర్ల కొరత స్పష్టంగా కనపడింది. దాని వల్ల EYE CHECK UP దగ్గర ఆలస్యం అయింది. 
  4. స్టాఫ్ కొంచెం harsh గా ఉన్నట్లు అనిపించింది. కాని అది సహజమే అని అనిపించింది. 
  5. patients ని సరిగా guide చేసే వాళ్ళు లేరు. దానివల్ల పెద్దవారికి కొంచెం ఇబ్బందే. 
  6.  coordination లోపం అయితే నాకు కనిపించింది. భవిష్యత్ లో మారిద్దేమో చూడాలి. 
  7.  రెండుకంటే ఎక్కువ డాక్టర్లని కలవాలి అంటే చాలా early గా వెళ్ళాలి. లేకపోతే ఒక్కోసారి మనకి చెప్పిన పరీక్షలు ఆలస్యం అవడం వలన పని పూర్తికాకపోవచ్చు. 
Download these both apps:- 
  1. E Paramarsh Mangalagiri AIIMSApp ,
  2. ABHA App 

Lab Test Receipt:-

           చిత్రం:- Lab Services receipt.

మొత్తానికి నాకు అయితే వెళ్లినందుకు సంతృప్తినిచ్చింది. ఏమైనా సందేహాలు ఉంటే అడగండి...నేను తెలిసింది చెప్తాను. ధన్యవాదాలు 😀

No comments:

Post a Comment